അറിഞ്ഞോ ഇനി വാട്സാപ്പ് വഴി വൈദ്യതി ബില് അടക്കമുള്ളവ നേരിട്ടടയ്ക്കാം; പുതിയ ഫീച്ചർ ഉടനെത്തും
വാട്സപ്പിലേക്ക് പുതുതായി നിരവധി ഫീച്ചറുകളാണ് എത്തിക്കൊണ്ടിരിക്കുന്നത്. അത്തരത്തിൽ ആളുകൾക്ക് ഏറെ പ്രയോജനകരമാകുന്ന ഒരു പുതിയ ഫീച്ചർ ഉടനെത്തുമെന്നാണ് സൂചന. ഇനി വാട്സാപ്പ് വഴി വൈദ്യതി ബില് അടക്കമുള്ളവ നേരിട്ടടയ്ക്കാം എന്നതാണ് ഇതിന്റെ പ്രത്യേകത. വാട്സ്ആപ്പ് 2.25.3.15 ആന്‍ഡ്രോയ്ഡ് ബീറ്റാ വേര്‍ഷനില്‍ ഡയറക്ട് ബില് പെയ്മെന്റ് ഫീച്ചര്‍ മെറ്റ പരീക്ഷിക്കുന്നതായി ഗാഡ്‌ജറ്റ് 360 റിപ്പോര്‍ട്ട് ചെയ്തു. വാട്സ്ആപ്പില്‍ ഇതിനകം യുപിഐ പെയ്മെന്റ് സംവിധാനമുണ്ട്. ഇതിന്റെ തുടര്‍ച്ച എന്നോളമാണ് ബില് പെയ്മെന്റുകള് നടത്താന്‍ വാട്സ്ആപ്പ് ഉപയോക്താക്കളെ അനുവദിക്കുന്ന ഫീച്ചറിന്‍റെ ബീറ്റാ ടെസ്റ്റിംഗ് നടത്തുന്നത്. ആന്‍ഡ്രോയ്ഡ് അതോറിറ്റിയാണ് ഈ ബീറ്റാ ടെസ്റ്റിംഗ് കണ്ടെത്തിയത്. വാട്സ്ആപ്പില്‍ നിന്ന് നേരിട്ട് ഇലക്ട്രിസിറ്റി ബില് പെയ്മെന്റ്, മൊബൈല്‍ പ്രീപെയ്‌ഡ് റീച്ചാര്‍ജുകള്‍, എല്‍പിജി ഗ്യാസ് പെയ്മെന്റുകള്, ലാന്‍ഡ്‌ലൈന്‍ പോസ്റ്റ്‌പെയ്ഡ് ബില്, റെന്‍റ് പെയ്മെന്റുകള് എന്നിവ ചെയ്യാനാകും എന്നാണ് ബീറ്റാ ടെസ്റ്റിംഗ് വിവരങ്ങള്‍ നല്‍കുന്ന സൂചന. എന്നാല്‍ പരീക്ഷണം പൂര്‍ത്തിയാക്കി എപ്പോള്‍ ഈ വാട്സ്ആപ്പ് ഫീച്ചര്‍ സാധാരണ യൂസര്‍മാര്‍ക്ക് ലഭ്യമാകും എന്ന് വ്യക്തമല്ല.
Comments (0)